☕️ Törle yolalarğa bəyle çəy eçülər küp tatarda:
Tuynıñ ikençe könendə xucabikə bulası kilenne çəy arqılı sınıylar. Məsələn, mişərlərdə ul yola “zapun bəyləw” dip atala. "Zapun” alyapqıç digənne añlata. Ul könne kilen qaynanağa “əni” dip dәşergә öyrənə. “Alyapqıçnı kem bəyləde?” — digən sorawğa kilen: “Əni bəyləde,” — dip cawap qaytara. Ul üze əzerləgən qoymaq belən kürşe-tirədəge əbilərne çəy eçertə. Hər əbi kilenneñ ni dərəcədə xucabikə buluwın, itağətlelegen, çəyne döres yasawın, çəyne döres təqdim itüwen, qıstıy belüwen küzətep tora.
yola – rite, ritual
sınaw – to test
alyapqıç – apron
itağətlelek – humility, obedience
qıstaw – to persuade
Bəbi tuğannan soñ, ğailəne qotlap, kürşe-külən, tuğannar bəbi çəyenə kilələr. Bəbigə həm çəy tabınına küçtənəçlər alıp kilələr. Mul tabın əzerlənə. Bezdə çəy tabınına küçtənəç alıp kilü yortqa bərəkət həm iminlek teləwne añlata. Şul uq waqıtta əzrək kenə bulsa da, tatarğa xas masayıp quyu da çağıla.
mul – abundant, rich
iminlek – prosperity
masayıp quyu – to brag, to take pride in sth.
çağılu – to reflect
Awlaq çəy digəndə xatın-qızlarnıñ üzara cıyılıp çəy eçüwe küz aldında totıla. Xucabikəneñ ire berər eş buyınça çığıp kitkən waqıtta, ul üzeneñ dus xatınnarın çəygə cıyğan.
awlaq – xucasız
❓Sezneñ bu yolalar turında işetkənegez barmı? Alar turında ni uylıysız? Tağın çəygə bəyle yolalar beləsezme?
___________________
https://intertat.tatar/news/echs-ch-y-anda-y-ni-chen-tatarda-ch-y-populyar-5736786